تيجوا نتعرف .........
المدونه دي حصيله شغل طويل بدآته من سنين بعيده برومانسيه وقناعه ساذجه اني ممكن اغير الدنيا ، كنت متصوره ان تغيير قانون حيغير الدنيا ويعدل ميزانها المايل .. ولما كبرت
وفهمت واتلطمت عرفت ان المشكله مش في القوانين لان وقت الجد الناس تركنها علي الرف وتديها ضهرها .. فهمت ان المشكله في عقول الناس لانها متستفه زي من مليون سنه جواها كل العادات وكل التقاليد وكل الاعراف وكل الانماط التقليديه وسنه ورا سنه اكتشفت ان تغيير عقول الناس وطرق تفكيرها هي اصعب من الصعب نفسه ومحتاجه وقت وطوله بال ومناهده وخناق ان لزم الامر و....... يمكن يمكن تتغير فيها حته صغيره قوي قوي .....
طب وبعدين ...... ولا قبلين ....... احنا نعمل اللي علينا والدنيا تتغير وقت ماتتغير براحتها ... احنا نسيب افكارنا علي البرديات وننتظر بكل الامل ان يآتي شخصا ما في لحظه ما ويقرآ ماكتبته - ولو بعد الف سنه - ويقول " مر علي هذا الوطن بعض المحبين بذلوا الجهد لتحسين احواله التي بقيت علي حالها رغم انوفهم ، مر علي هذا الوطن بعض المحبين اللذين عملوا بكل دآب وجديه وتركوا تراثهم للاجيال من بعدهم كنوزا من المعرفه خطوه اولي في طريق التغيير الطويل الشاق " وها انا اكتب وانشر واعمل مايتعين علي عمله لااكترث بما سيحدث غدا فرهاني ليس علي الغد الاتي بل علي المستقبل البعيد يآتي مشرقا عادلا ولو كره الكارهون ............
ليه اللون البنفسجي ؟؟؟؟؟؟؟
اختار العالم شرقه وغربه اللون "الازرق اللبني" لونا للذكوره الوليده !! واختار اللون "البمبه" لونا للانوثه الوليده!! ... لكن الحركه النسويه تمردت علي ذلك التقسيم النوعي للالوان وقررت خلط اللونين معا " اللبني + البمبه " فكان اللون " البنفسجي الفاتح " لونا للطفل الوليد ذكرا كان او انثي لا يهم ... انه لون الطفل الانسان بصرف النظر عن الاختلاف البيولوجي ......
القضبان .........!
جميعنا خلف القضبان
نتابع مايحدث حولنا نراه ونفهمه ولا نتفاعل معه
نسمع ولا نؤثر .. نتكلم ولا يسمعنا احد
جميعنا خلف القضبان
خلف الحوائط الزجاجيه تفصلنا عن الاخر الذي يرانا حسبما يفضل ولا يسمح لنا بالاقتراب منه
جميعنا خلف القضبان
تحكمنا العادات والتقاليد والقواعد الاخلاقيه والمحاذير الدينيه و التفرقه القانونيه ضدنا
جميعنا خلف القضبان
نتصور انفسنا احرار لكن قيودنا تكبل وجودنا الفاعل
نقضي فتره عقوبتنا ندافع عن انفسنا ونبرر وجودنا ونفسر سلوكياتنا
ونعد مرافعات الدفاع نفيا للخطيئه المفترضه ونكرر مرافعتنا الشفهيه اثباتا لحسن نوايانا
جميعنا خلف القضبان
خلفها وتحتل نفوسنا حتي لو فتحوا كل الابواب وهدموا كل الجدران
فماذا سنفعل بالسجون التي شيدناها في نفوسنا عقودا وعقود وقبعنا طواعيه في ظلمه زنازينها
والقينا بمفاتيح ابوابها بعيدا حيث لا تطول ايدينا
جميعنا خلف القضبان
نحسد العصافير علي الشجر والفراشات فوق الازهار والموج الهادر فوق سطح المحيط والنجم اللامع ساطعا في السما
نحسدهم ونمسح في الظلمه دموع قهرنا الذي يعتبره الجميع امرا طبيعيا منطقيا مفهوم مبرر يلزم بقاءه
تنبيه وتحذير .... !!!!!!
هذه المدونه محمية " اسم وعنوان ووصف ومضمون وكل ماهو منشور فيها" بقوانين الملكيه الفكريه .. لايجوز نقل اي من المنشور فيها او نشره في اي موقع اخر او جريده او كتاب دون الموافقه الكتابيه من صاحبة المدونه .. اي مخالفه لذلك تعرض صاحبها للمساءله القانونيه .....
هناك تعليق واحد:
لانه يختلف مع راى تماما انا مش ضد الرجل ولكنى احترم كلمه رجل وياريت كانت الناس تقدر تفهم معناها
ولكن احترم انى انثى جدا وافهم معناها وشرف لى ان اكون أنثى.
إنتى عندك حق فى ان احنا الى دخلنا نطبعا انجذبت بكل المقاييس لأسم المدونهفسنا سجن انا معاكى احنا مش المرأه التى تخطاولكن مع عقوبه الرجل مع السيده معا
وتغيير القانون بما يعادل ويساوى بين المراه والرجل فى العقاب ومع احترام المرأه بكلافكارها وقناعتها وحقها فى كل شىء واننا لو عرفنا ديننا الحق وفهمناه لوجدنا الحق فيه بعيدا عن ما تم تشيده باسم العادات والتقاليد
دعوه لمعامله المرأه على انها انسان ليس مجرد بقره او شىء لمجرد اسعاد الأخر فكلانا بشر وكلانا خلق لله الذى خلق كل شىء كاملا فلا احد يحاول انقاص خلق الله
إرسال تعليق